Оройуон убаастанар баһылыгын И. П. Павлов сырдык кэриэһигэр аналлаах футбол күрэхтэһиитэ сылын аайы ыытыллар үтүө үгэскэ кубулуйда. Бу көхтөөх оонньууну Иван Петрович дьиэ кэргэнэ, аймахтара, чугас дьоно көҕүлээн, үбүлээн тэрийэллэр. Бу күрэҕи МО администрацията чиэстээн ыытар уонна бириистэри туттарар.
Сэтинньи 30 күнүгэр Хонуу сэлиэнньэтин арочнай саалатыгар футбол оонньуутугар сүгүрүйэр дьон түмсүбүттэрэ. Быйылгы күрэхтэһиигэ Хонуу, Сайдыы, Индигир 5 хамаандата кыттыыны ылла. Олус көхтөөх, өрө күүрүүлээх оонньуу буолла.
Дьүүллүүр сүбэ (Ю. А. Винокуров, А. В. Слепцов, В. Т. Винокуров, А.И.Мосенкова) футбол күрэҕин түмүгүн таһааран, үс бириистээх миэстэҕэ маннык хамаандалар таҕыстылар: 1 миэстэ – Сайдыы, 2 — «Ливерпуль», 3 — Индигир орто оскуолата. Биирдиилээн спортсменнарга анал ааттар тигистилэр: «Лучший игрок» — Никулин Антон (Сайдыы), «Лучший нападающий» — Уваровскай Хасан (Сайдыы), «Лучший защитник» — Слепцов Александр («Ливерпуль»), » Лучший вратарь» — Богдашин Фёдор, «Перспективный игрок» — Андросов Никита, «Лучший гол» — Атласов Ян («Спасатель»), «За вклад в развитие мини-футболга» — Атласов Иван, «За организацию турнира и вклад в развитие мини-футбола» — Винокуров Владимир. Анал аакка тиксибит бары эр бэртэргэ И.П. Павлов ахтыы кинигэтэ бэлэхтэннэ.
Ону сэргэ, Иван Петрович чугас дьоно анал бириистэрин туһааннаах футболистарга туттардылар: Павловтар аймахтара — Антон Черовка уонна Владимир Винокуровка, Винокуровтар дьиэ кэргэннэрэ — Алексей Слепцовка, Гермогеновтар дьиэ кэргэннэрэ — Айсен Старковка, Корякиннар дьиэ кэргэннэрэ (Төбүлэх) — Афанасий Вожжовка, Иван Павловы кытта биир кылааска үөрэммиттэр – Иван Атласовка уонна Владимир Максимовка, Дьокуускай куоракка баар доҕоттор ааттарыттан – Антон Никулиҥҥа. Иван Петрович дьиэ кэргэнин Наталья Георгиевна Павлова анал бирииһин Уваровскай Хасан (Сайдыы) ылан үөрүүтэ үрдээтэ.
Футболу сөбүлээн оонньуур, көрөр бар дьону үтүө түмүктээх күнүнэн эҕэрдэлиибит. Спорт оройуоммут олохтоохторун чөл туруктаах, түмсүүлээх оҥорор диэн бигэ эрэллээхпит.
Иван Павлов аатын үйэтитэн
