Арассыыйа үрдүнэн бэс ыйын үһүс баскыһыанньатыгар Медицина үлэһиттэрин күнэ бэлиэтэнэр. Бу идэлээх күн ССРС Үрдүкү Сэбиэтин ыйааҕынан 1980 сыллаахха олохтоммута. Үрүҥ халааттаах аанньал дьоммут үлэлииллэрин тухары төһөлөөх элбэх ыарыһаҕы үтүөрдүбүттэрэ буолуой?! Медицина эйгэтигэр уопуттаах да, саҥа саҕалаан эрэр да үлэһиттэр бааллар.
Оройуоннааҕы киин балыыһаҕа хас да олохтоох дьон дойдуларыгар төннөн үлэлии сылдьаллар. Олор истэригэр Муома орто оскуолатын бүтэрбит эдэр исписэлиистэр дьон доруобуйатын тупсарарга үлэлэһэллэр. Эдэр дьоҥҥо маннык ыйытыылары биэрдим:
1. Хайдах медицина үлэһитэ буоллуҥ?
2. Үөрэҕиҥ кыһатын туһунан сырдата түс, саҥа выпускник оҕолорго интэриэһинэй буолуо этэ.
3. Үлэҕин төрөөбүт оройуоҥҥуттан саҕалаатыҥ. Тоҕо?
4. Эн идэҕэр туох үчүгэй, итэҕэс баарый? (идэҥ уратыта)
5. Медицинскэй идэлээх киһиэхэ ханнык хаачыстыбалар наадаларый?
6. Үлэҕэр инники былааннарыҥ?
7. Биир идэлээхтэргэр баҕа санааҥ.
Бэлиэ күҥҥэ сыһыаран эдэркээн медиктэри кытта билсиэххэ.
Светлана Слепцова, фельдшер-лаборант, МОО-н 2021 сыллаах выпуһа.
1. Мин ийэм балыыһаҕа оҕо эрдэхпиттэн үлэлиир. Кыра сылдьан үлэтигэр барсар буоларым, ол иһин медицинэҕэ интэриэһим күүстээх этэ. Аан бастаан бэтэринээр буолар баҕалаах этим, кыыллары олус таптыырым, онтон орто оскуолаҕа үөрэнэ сылдьан лаборант үөрэҕэр туттарсарга санаммытым. Лабораторнай диагностика киһи олоҕор улахан оруолу оонньуур. Диагностика көмөтүнэн быраастар пациент туругун сөпкө быһааралларыгар уонна салгыы сөптөөх эмтэниини аныылларыгар көмөлөөх.
2. Мин Дьокуускай медицинскэй колледжыгар фельдшер-лаборант үөрэҕэр үөрэммитим. Онно олус үчүгэйдик үөрэтэллэр, дириҥ билиини биэрэллэр.
3. Үөрэххэ киирэрбэр Муома оройуонун киин балыыһатын кытта дуогабар баттаспытым, манна идэбэр уопутураары да кэлбитим.
4. Лаборант идэлээх киһи үлэ ырыынагар олус наадалаах. Маннык исписэлиис балыыһаҕа эрэ буолбакка, араас сиргэ үлэ булуон сөп, холобур, санитарнай гигиена, судебнай медицинскэй эксперт, микробиологическай лабораторияҕа. Бу идэ итэҕэһэ диэн: доруобуйаҕа сэрэхтээх, ол эрээри бары харыстанар ньыманы тутустахха, охсуута суох.
5.Лаборант эппиэтинэстээх, болҕомтолоох, чочуонайдык туттар (аккуратнай), тулуурдаах буолара ирдэнэр.
6. Манна үлэлээн, уопутуран баран, куоракка үлэлии киириэм этэ эбэтэр медицина эйгэтигэр үрдүк үөрэххэ үөрэниэм.
7. Үлэлиир балыыһам өссө сайда турарыгар, элбэх эдэр исписэлиис үлэлии кэлэригэр баҕарабын.
Диана Карданова, участковый терапевт, выпускница МСОШ 2018 г.
1. Желание стать врачом пришло ко мне в старших классах, после разговоров с родителями, они всегда говорили о важности профессии врача, и также меня вдохновила старшая двоюродная сестра, которая работает врачом эндокринологом.
2. Я училась в Иркутском государственном медицинском университете. Это заведение выбрала, потому что город Иркутск находится рядом с родиной моей мамы — республикой Бурятия. Процесс обучения до третьего курса был сложный, нужно было запомнить много сложной информации в сжатые сроки, преподаватели были довольно жесткие и грубые, да и когда находишься вдали от дома, испытываешь большой стресс. После третьего курса становится легче, практики становится больше. Мы проходили обучение на базах различных клиник, где разбирали интересные клинические случаи.
3. Сюда приехала работать, так как соскучилась по родным, хотелось побыть в родном месте. А также набраться опыта, стаж работы дает баллы в ординатуру, куда я хочу поступить.
4. Плюсы моей специальности – это постоянное развитие, надо следить за новой информацией, исследованиями; работа с пациентами, мне нравится с ними общаться, давать рекомендации, находить подходящее лечение; разнообразие работы, каждый день приносит новые задачи, новых пациентов, новые вызовы. А минусы — это много стресса и возможное эмоциональное выгорание; ненормированный рабочий день; высокий уровень ответственности.
5. Медицинскому работнику нужно быть достаточно терпеливым, стрессоустойчивым, усидчивым, ну и конечно, эмпатичным человеком.
6. Летом я планирую поступить в ординатуру для получения «узкой» специальности.
7. Поздравляю всех моих коллег с наступающим Днем медика. Желаю коллективу Момской ЦРБ крепкого здоровья, благополучия, выполнения всех планов. Хочу выразить отдельную благодарность Константину Александровичу, Марианне Олеговне и Арине Владимировне за поддержку и помощь в работе.
Виктория Васильева (Савенко), медицинскэй сиэстэрэ, МОО-н 2019 сыллаах выпуһа.
1. Оскуолаҕа үөрэнэ сылдьан 9-с кылааска медицинаҕа сыһыаннаах киинэлэри уонна сериаллары көрөрүм, ол интэриэһим инники идэбин таларбын быһаарбыта.
2. Дьокуускайдааҕы медицинскэй колледжы бүтэрбитим. Үөрэҕим олус интэриэһинэй этэ. Устудьуоннуур сылларбар элбэх доҕоттордоммутум, билигин бары медицина араас хайысхатыгар үлэлии сылдьаллар.
3. Дойдубар дьон-сэргэ үтүө майгылаах, аламаҕай, холкулар. Манна бастакы уопуту ыллым, салгыы идэбин өссө дириҥник баһылыаҕым.
4. Идэм үтүө өрүтэ диэн биир миэстэҕэ олорбот үлэ, сэргэх уонна эппиэтинэстээх. Күммүт биир тэҥ буолбат, сонуннук, интэриэһинэйдик ааһар.
5. Медицинскэй сиэстэрэ истэриэһи уйар, тулуурдаах, ыарыһахха эйэҕэс сыһыаннаах уонна наадалаах кэмҥэ ыгылыйбат буолуохтаах.
6. Инники былааммар медицина эйгэтигэр салгыы өссө сайдыахпын, чуолаан, хирургия өттүгэр билиибин дириҥэтиэхпин баҕарабын.
7. Муома оройуонун киин балыыһатын үлэһиттэрин барыларын кэлэн иһэр биир идэлээхтэр күннэринэн эҕэрдэлиибин уонна үлэҕэ ситиһиини, сайдыыны баҕарабын. Пациеннарбыт доруобуйалара тубустун.
Бу маннык сэргэх эдэр исписэлиистэр биһиги балыыһабытыгар үлэлииллэр, олохтоох дьон доруобуйатын көрөллөр-харайаллар. Оройуоммут күндү үрүҥ халааттаах аанньалларын кэлэн иһэр идэлээх күннэринэн эҕэрдэлиибит. Эһиги эппиэтинэстээх, сыралаах үлэҕитигэр күүһү-уоҕу, саппаҕырбат сатабылы, тулхадыйбат тулааһыны баҕарабыт. Муомабыт дьоно-сэргэтэ чөл туруктаах, чэгиэн-чэбдик доруобуйалаах буоллуннар.
Татьяна Данилова