Учуутал үгүс сыллаах сыралаах үлэтин үтүө түмүгэ кини үөрэнээччилэригэр, кинилэр олоххо миэстэлэрин булунууларыгар ырылхайдык көстөр.
Эһиги идэҕит күннээҕи үлэ эрэ буолбакка, бу бүтүн нэһилиэк, оройуон, өрөспүүбүлүкэ, омук кэскилин иитэн-үөрэтэн таһаарыы, уһуйуу буолар. Бу сүрдээх улахан эппиэтинэс.
Эһиги үөрэппит-такайбыт үөрэнээччилэргит олох суолун устун эрдээхтик хардыылаан, саҥаттан саҥа үрдэллэри дабайаллара — бу эһиги талан ылбыт идэҕит чаҕылхай туоһута.
Учууталга саамай үрдүк наҕараада — үөрэнээччилэрин билиниилэрэ, төрөппүт махтала.
Бу күн үлүскэн үлэҕит үтүө түмүгэ үөрүүгүтүн үксэттин, сүргэҕитин көтөхтүн.