Күhүн айылҕалыын алтыһыы оҕо доруобуйатыгар уонна өйүн-санаатын сайдыытыгар улахан суолталаах.Ол курдук, бүгүн алтынньы 28 кунугэр Индигир орто оскуолатын уһуйаанын иитиллээччилэрэ, иитээччилэрин уонна төрөппүттэрин кытта кэлэн иhэр Байанай ыйын көрсө айылҕаҕа тахсан сынньанан кэллилэр.
Каникул кэмигэр төрөппүттэри кытта үлэ былаанын чэрчитинэн, «Подледная рыбалка 2026» диэн тэрээһиҥҥэ уһуйаан оҕолоро, иитээччилэр, аҕалар уонна ийэлэр буолан өрүс мууһугар таҕыстыбыт. Кыһын өрүс тоҥон турар кэмигэр халлааммыт хата былыттаах, наһаа сылаас күн буолан биэрдэ. Сибиэһэй салгынынан тыынан, кэрэ айылҕабыт уларыйыытын кэтээн көрдүбүт.
Оҕону кыра сааһыттан айылҕалыын алтыһыннарыы:
Бу тэрээһин сүрүн сыалынан оҕолору кыра саастарыттан төрөөбүт дойдубут кэрэ айылҕатыгар убаастабыллаахтык сыһыаннаһарга, өбүгэбит үгэһин — булт, балыктааһын араас көрүҥнэрин кытта чугастан билиһиннэрии буолар. Айылҕаҕа сылдьан көрдөрөн үөрэтии оҕо тулалыыр аан дойдуну өйдүүрүгэр, харыстыыр санаата уһуктарыгар уонна төрөөбүт сиринэн киэн туттарыгар улахан тирэх буолар.
Саамай үөрдэрэ — оҕолорбут бу тэрээһини наһаа күүтэн, сарсыардаттан күүстээх бэлэмнэниилээх, тэринэн кэлбиттэрэ буолар. Кинилэр төрөппүттэрин кытта муус аннынан балыктыырга наһаа баҕаран, долгуйан тиийдилэр. Дьиэ кэргэнинэн айылҕаҕа тахсан, биир күнү маннык көхтөөхтүк, истиҥник алтыһан атаарыылара кырачааннарга уонна улахан дьоҥҥо улахан үөрүүнү, уостубат сырдык өйдөбүлү бэлэхтээтэ.
Тэрээһин хаамыыта:
• Үгэһи тутуһуу: Айылҕаҕа тахсаат, аал уоту оттон, сиэри-туому тутуһан алаадьынан аһаттыбыт. Былыттаах соҕус күн буолан, итии үүттээх чэй иһэн ирдибит, санаабыт көтөҕүлүннэ.
• Ийэлэрбит күндүлээһиннэрэ: Күндү ийэлэрбит оҕолорго уонна балыксыттарга анаан дьиэттэн наһаа минньигэс ойуо (кэһии ас) уктан кэлэн, айылҕаҕа аһылыкпытын өссө уйгулаах уонна тотору гыннылар.
• Куттал суох буолуута: Мууска тахсыах иннинэ оҕолорго анаан «Осторожно, тонкий лед!» диэн муустан сэрэхтээх буолуу инструктаһа ыытылынна, хартыыналары көрөн бэсиэдэ аахтыбыт.
• Төрөппүттэр көмөлөрө: Күндү аҕаларбыт муус үрдүгэр лунка (ойбон) тэһэн биэрэн, оҕолорго улахан көмө буоллулар.
• Балыксыттар бэсиэдэлэрэ: Эр дьон кыһын подледкаҕа хайдах сылдьалларын, балыксыттар туох тэриллэри тутталларын оҕолорго көрдөрөн туран интэриэһинэй бэсиэдэ ыыттылар.
• Көрүдьүөс күрэх: Кырачааннарбыт ойбон сыһыарбыт сиригэр сытан эрэ балыктаан көрдүлэр. Муус аанынан уу тоҥмот сиригэр балыктар уста сылдьалларын көрөн наһаа үөрдүлэр. Ордук уоруулээх тугэн буолла бастакы балык хабыыта. Аделия Слепцова бастакы балыгы муус анныттан хостоон таьааран барыбытын уортэ. Тыыннаах балык муус урдугэр хамсыы сытарын корон о5олор уоруулэрэ оссо кууьурдэ.Тороппуттэр оголор оссо балык хабаары бары ойбонноругар сытан балыктаан кордулэр. Сынньаланна о5олорбут орүс үрдүгэр хаарга сытан мэниктээн, хаарга уруьуйдан, суурэн котон оонньоотулар.
Тэрээһин түмүгүнэн бары үөрүү-көтүү аргыстаах, үйэлээх өйдөбүл буолан хаалар гына Индигир эбэ оруспут анныгар хаартыскаҕа түстүбүт. Тэрээһиҥҥэ көхтөөхтүк кыттыбыт, оҕолорун кытта бииргэ сылдьыбыт мааны төрөппүттэрбитигэр, индигир нэьилиэгин баьылыгар Прокопий Семеновичка тимир колонон айаммытыгар комолоспутугэр ис сурэхтэн махталбытын биллэрэбит!
Кыһын айылҕалыын алтыһыы оҕо доруобуйатыгар уонна өйүн-санаатын сайдыытыгар улахан суолталаах.
Индигир орто оскуолатын уһуйаанын иитээччилэрэ
Анна Слепцова