Хоту сир тымныы күннэригэр оҕо сад уонна дьиэ кэргэн сылаас сыһыанын түмэр, хас биирдии киһиэхэ саамай истиҥ буолан ааһар кэрэ бырааһынньык үүннэ. Муома улууһун Индигир орто оскуолатын уһуйааныгар иитиллээччилэргэ уонна күндү ийэлэригэр анаан «Ийэ барахсан — дьолбут биһигэ» диэн ураты сылаас, көхтөөх уонна умнуллубат тэрээһин буолан ааста. Бу күн оҕолор ийэлэрин кытта хаһан да уонна туохха да тэҥнэспэт истиҥ сыһыаннарын, биир тылы булуналларын уонна доҕордуу туруктарын көрдөрдүлэр.
Тэрээһини олус табыллан, ситиһиилээхтик иилээн-саҕалаан ыытта Анна Егоровна Слепцова, кинини кытта тэҥҥэ уһуйаан иитээччилэрэ,улэьиттэрэ оҕолор уонна ийэлэр көхтөрүн өрө көтөҕөн, бырааһынньык хаамыытын ураты сэргэх гыннылар.
Бырааһынньык хас да сүрүн солун чаастан турда:
Ийэлэргэ э5эрдэ: Оголор кун кубэй ийэлэригэр анаммыт истин э5эрдэ ырыалары, долгутуулаах хоьооннору, намыын ункуулэри бэлэх ууннулар.
Өйү сытыылааһын: Саамай сытыы өйдөөх ийэлэр
Бырааһынньык биир саамай интэриэһинэй уонна толкуйдатар чааһынан ийэлэргэ аналлаах интеллектуальнай оонньуулар буоллулар. Бары сорудахтар хас бирдии киһи олоҕор саамай күндү киһиэхэ — Ийэҕэ — сыһыаннаах этилэр. Күрэххэ ийэлэр бэйэлэрин сытыы өйдөрүн, еруу суолу булар ураты уопуттарын уонна түмсүүлээхтэрин көрдөрдүлэр:
• «Перевертыш по сказкам»: Ийэлэр оҕо саастарын санаан, утары суолталаах тылларынан уларытыллан бэриллибүт остуоруйалар ааттарын олус түргэнник таайталаатылар.
• «Найди слова»: Тыллар истэриттэн ийэҕэ сыһыаннаах, кини кэрэ дууһатын, ис хоһоонун көрдөрөр тыллары булан суруйууга күрэхтэстилэр.
• «Шифровальщики»: Анаграммалары — буукубалара бутуллан сылдьар тыллары — көннөрөн, ийэ туһунан саамай истиҥ, сылаас тыллары таһаардылар.
Ийэлэри кытта тэҥҥэ: Көрдөөх эстафеталар
Интеллектуальнай күрэхтэр кэннилэриттэн ийэлэр оҕолорун кытта тэҥҥэ кыттыбыт спорт эстафеталара буоллулар. «Ийэм — мин эрэллээх до5орум» диэн девизтээх күрэххэ хамаандалар түргэн туттууга, бэргэн буолууга уонна бэйэ-бэйэни өйдөһүүгө күрэхтэстилэр. Ийэлэр оҕо саастарыгар төннүбүт курдук өрө көтөҕүллэн, оҕолорун кытта тэҥҥэ сүүрэн-көтөн, күрэхтэһиини өссө тыҥааһыннаах уонна умнуллубат гыннылар.
«Мин ийэм ким бэрт?»: Оҕо санатынан оонньуулар
Бырааһынньык саамай истиҥ уонна куллайыылаах мүнүүтэлэринэн «Оҕо санатынан таайыы» оонньуу буолла. Иитээччилэр оҕолортон ийэлэрин туһунан эрдэ ыйытыллыбыт эппиэттэрин уонна аудио-суруттарыыларын ийэлэргэ иһитиннэрдилэр. Оҕо бэйэтин ураты тылынан-оһунан эппит сорох күлкүлээх, сорох олус истиҥ эппиэттэриттэн ийэлэр бэйэлэрин уонна бэйэ-бэйэлэрин таайан, улаханнык үөрдүлэр, сорохтор долгуйан харахтарын уутун да таһаардылар.
Музыкальнай сууруулээх оонньуулар уонна «Музыкальный паровозик»
Бырааһынньык тухары намыын уонна өрө көтөҕүүлээх музыка доҕуһуоллаата. Оҕолор ийэлэрин кытта музыка уларыйыытыгар араас хамсаныылары оҥорон, музыкальнай оонньууларга көхтөөхтүк сүүрдүлэр-көттүлэр. Алтыһыы саамай чаҕылхай уонна үөрдүүлээх түмүгүнэн ийэлэр уонна оҕолор бары бииргэ кыттыспыт «Музыкальный паровозик» диэн көрдөөх уонна эйэҕэс үҥкүүлэрэ буолла. Бу үҥкүү хас бирдии киһи хараҕар үөрүү уотун уматта.
Бырааһынньык улахан үөрүүлээх чааһынан уһуйаан аатытан күндү ийэлэргэ Махтал суруктары уонна кырачааннар бэйэлэрин илиилэринэн оҥорбут истиҥ бэлэхтэрин туттарыы буолла. Бу тэрээһин Индигир уһуйаанын оҕолоругар уонна ийэлэригэр дьиҥнээх уруй-туску, таптал уонна өйдөһүү күөнэ буолан, уһуйаан олоҕор өссө биир чаҕылхай сирэйи суруйда.
Анна Слепцова