Алтынньы 1 күнүгэр Муома алын сүһүөх оскуолата Сааһырбыттар күннэринэн аҕам саастаах дьону, тыыл, үлэ бэтэрээннэрин итиитик — истиҥник эҕэрдэлээтэ. Оскуола музейын иһинэн ыытыллар «Доброе дело» акция чэрчитинэн бары кылаастар үөрэнээччилэрэ сааһырбыттарга анаан сэмэй кэһиилэрин дьиэлэринэн сылдьан туттардылар, кырдьаҕастар махталларын ыллылар. Оҕолор сэмэй бэлэхтэрин бэлэмнэспит төрөппүттэргэ өйөбүллэрин иһин барҕа махтал тиэрдэбит. Куруук да итинник оскуола ыытар тэрээһиннэригэр көхтөөхтүк кыттыахтара диэн эрэнэбит. Маны таһынан кылаастарга кылаас чаастара буолан оҕолор эбээлэрин, эһээлэрин эҕэрдэлээтилэр. Онон Муома алын сүһүөх оскуолата Аҕам саастаах дьоҥҥо анаабыт тэрээһиннэрэ бэрт кэрэхсэбиллээхтик ааста.
Антонина Слепцова.