Өссө да салгыы Хонууга, Абыйга, Чокурдаахха дылы айанныыр былааннааҕын иһитиннэрдэ.
Муомаҕа кэлиэн иннинэ Хуан Орто Халыма, Үөһээ Халыма, Өймөкөөн оройуоннарынан таарыйбыт.
Саха сиригэр хаһыс да төгүлүн кэлиитэ, онтон ураты испанец Австралияҕа, Антарктидаҕа, Амазонканан, Урал хайаларга, Байкал күөлгэ бэлэсипиэтинэн сылдьыбыт.
Бу айанын тухары икки көлүөһэлээх тиэхиникэтин мал уурар анал сиригэр уһун айаҥҥа аналлаах тэрилэ барыта баар эбит: балаакка, оһох, утуйар кукуул, туттар-өрөмүөннүүр тэрилэ, аһылык саппааһа.
Чуумпу Кытылга норуот айымньытын дьиэтигэр исписэлиис Рудольф Макаров, «Алгыс» түмсүү Далбар Хотуннара Валентина Попова, Ангелина Старкова маанылаах аһынан күндүлээн көрүстүлэр.
Төбүлэх олохтоохторо ыраах итии сиртэн сылдьар Хуан Менендескэ айаныгар табыллыыны, ситиһиини баҕара хааллылар.
Төбүлэх сонунун үллэһиннэ Людмила Стручкова