Кулун тутар 15 күнүгэр Хонууттан «Аяврина» ансаамбыл кэлэн, Чуумпу-Кытылга олус үчүгэй концерт көрдөрөн олохтоохтору сэргэхситтэ. Ансаамбыл салайааччыта Ирина Иванова иһирэх тылынан кэнсиэри салайан ыытта.
«Аяврина» ансамбль үҥкүүһүттэрэ бииртэн биир олус кэрэ үҥкүүлэри көрдөрдүлэр: «Өбүгэ чорооно», «Дэйбиирдээх», «Ыаҕайалаах», Кадриль, «Күөх быйаҥ», «Хоту дойдум хоптолоро», испанскай, «Привет из 90-х». Бары да олус үчүгэйдэр, кэрэлэр, эчи, таҥастара үчүгэйэ!
Ырыаһыттар — Ирина Иванова «Биир тэҥник тэбэр сүрэх», «Күндү киһим», «Таптаатым дуу, тугуй», «Тоҕо эн эрэ», Диана Прибылых «Ой дуо?», «Нточэ һичу» эбээннии, «Туундара», » Айанньыт ат» — ырыалара көрөөччүлэр дохсун ытыстарын тыаһынан доҕуһуолланнылар.
Концерт трио Ирина Иванова, Диана Прибылых, Туйаара Слепцова «Дьүөгэлиилэр» ырыаларынан иһирэхтик түмүктэммитэ.
Маны таһынан олохтоох Далбар Хотуттары кытта Корнхолл, Куб диэн оонньууларга илин-кэлин түсүһэн куоталастылар. «Ньургуһун» Хонуу хамаандата кыайан кыайыы өрөгөйдөннүлэр.
Айылҕаҕа тахсан фотосессияланнылар.
«Аяврина» ансаамбыл тэриллибитэ 10-с сыла буолбут эбит, ол тухары Чуумпу Кытылга кэлиэхтэрин наһаа баҕарар эбиттэр. Ол баҕа санаабыт туолла диэн астынан аҕай, үөрэн-көтөн бардылар.
Маннык үчүгэй истиҥ сыһыаннаах «Аявриналарга» олохтоохтор барҕа махтал тылларын этэллэр, өссө да кэлээриҥ диэн кэтэһэ хааллыбыт.
Людмила Стручкова