Бүгүн, балаҕан ыйын 3 күнүгэр, Индигирдээҕи быыбардыыр 325 учаастак «Полярные авиалинии» бөртөлүөтүнэн ыраах ыстаадаларынан бара сырытта.
— Эрдэттэн болдьоммут күҥҥэ ыраах сытар ыстаадаларга баран куоластааһыны тэрийдибит. Быыбар бары ирдэниллэр усулуобуйаларга олоҕуран ыытылынна. Биһигини кытта ТИК бэрэссэдээтэлин солбуйааччы Ангелина Бочкарева, араас баартыйалартан кэтээн көрөөччүлэр, СМИ үлэһитэ уонна участковай бара сырыттылар.
Бу ыытыллар федеральнай суолталаах улахан быыбарга Уһук Хоту олохтоох көс омуктар — табаһыттар бэйэлэрин бырааптарын толору туһаннылар. Ол курдук, «Бэркичэх» ыстаадатыгар куоластарын 4 киһи, «Чыбаа5ылаахха» — 5, «Кыҥырайдаахха» — 5 киhи биэрдилэр, — диэн кэпсээтэ 325 быыбардыыр учаастак бэрэссэдээтэлэ Туйаара Слепцова.
Куоластааһын бүгүн-сарсын аны Улахан Чыыстай ыраах ыстаадаларынан ыытыллыа.
