суһал дьаһаллары ылар туһунан кэпсэтии оройуон административнай хамыыһыйатын уочараттаах мунньаҕар барда. Хамыыһыйа эппиэттиир секретара Христина Кривошапкина халлаан сылыйбытынан Хонуу сэлиэнньэтин киин уулуссаларыгар бэйдиэ ыттар үөрүнэн сылдьан дьоҥҥо саба түһэр кутталлаахтарынан ыттары бэрээдэктииргэ тустаах сулууспалары ыҥырда. Бэйдиэ ыттары бэрээдэктээһин үлэтэ бастатан туран олохтоох дьаһалтанан ыытыллар. Дьиҥэ Хонууга бэйдиэ ыт ахсааннаах, бэлиэтии көрөр буоллахха, уулуссаҕа үксэ ошейниктаах ыттар сүүрэллэр. Ити ыттаах дьон тустаах Быраабыланы кэһэллэриттэн тахсар. Оройуон киинигэр ыттары иитэр дьон испииһэктэрэ сылга иккитэ чуолкайданар. Кинилэр анал испииһэктэрэ Муома национальнай нэһилиэгэр харалла сыталлар. Хас биирдии хонтуруоллуур рейдэ кэнниттэн бу сурунаалга ханнык хаһаайын ыта босхо сылдьара, тустаах прививка ылбыта, регистрацияламмыта барыта суруллар. Сорох дьон дьиэ иһигэр иитэр ыттарын регистрациялаабаттар, прививка ылбаттар. Бу олус сэрэхтээх быһыы, дьиэ да ыта таһырдьа сылдьар, онно араас ыарыыны хабыан сөп. Онон араас боруодалаах дьиэ ыттардаах дьон ветеринарнай сулууспаҕа тиийэн регистрация ааһаллара булгуччулаах. Өскөтүн ыт учуокка турдаҕына, ветеринарнай үлэһиттэр тустаах прививка ылары бэйэлэрэ биллэрэллэр. Иитэр ыттарын регистрациялаабат, босхо күүлэйдэтэр хаһаайын улахан ыстараапка тардыллыан сөп. Бу күннэргэ бэйдиэ сылдьар ыттары тутан хаайыы саҕаламмытынан, хаһаайыттар ыккытын баайыҥ. Күһүн тутуллубут ыттары хаһаайыннарыгар таах туттарбыт буоллахтарына, бу сырыыга хаһаайыҥҥа ыстараабын төлөтөн эрэ баран төннөрүллэр диэн кытаанах ирдэбил турда.
“Муома оройуона”МР пресс-сулууспата