Сэтинньи 29 күнүгэр Муома алын сүһүөх оскуолатыгар сылын аайы ыытыллар Байанай ыйыгар аналлаах «Күөсчүт алгыһа » күрэх ыытылынна. Быйылгы күрэх Россияҕа дьиэ кэргэн сылыгар , Саха сиригэр оҕо сылыгар, Муома оройуонугар аҕа сылыгар ананна. Күрэххэ 9 ыал кытынна. Ол курдук, Сайнаара, Анастасия Виссарионовна , Анатолий Александрович Тереховтар, Амелия, Айталина Александровна , Сергей Анатольевич Кузнецовтар , Ариетта, Ольга Петровна, Азизхан Рыскулович Токтоболотовтар, Ксения, Матрёна Семёновна, Роман Петрович Черемкиннар , Василиса Светлана Герасимовна , Богдан Николаевич Атласовтар, Рома, Ангелина Владимировна , Виталий Витальевич Слепцовтар , Илья, Мария Алексеевна, Фёдор Васильевич Потаповтар, Альфред, Сахая Васильева, Гаврил Гаврильевич Слепцовтар , Тимур, Екатерина Константиновна , Сергей Иннокентьевич Коркиннар (Индигир орто оскуолата). Дьүүллүүр сүбэ састаабыгар Петрова Альбина Анатольевна — Муома алын сүһүөх оскуолатын директора , Никулин Леонид Алексеевич — үс төгүллээх » Күөсчүт алгыһа» күрэх кыттыылааҕа, Черемкин Ньургустан Николаевич — айылҕа харыстабылын государственнай инспектора , Федоров Иннокентий Иннокентьевич — Муома пааркатын сүрүн инспектора , Сюльская Юлия Августовна — оройуоннааҕы кииннэммит библиотека специалиһэ үлэлээтилэр. Күрэх 6 түһүмэхтэринэн ыытылынна. Ол курдук, «Сахалыы астаах сандалыны көрүү», «Бэйэни билиһиннэрии» , «Балыктааһын» «Аҕаларга дьарҕаа кыһыыта», «Ийэлэргэ ыраастаммыт дьарҕааттан » Индигирскэй» салааты оҕотун кытта оҥоруу, чаппараах тигэн аҕалан ону ойуутун — дьарҕаатын кэпсээһин киирдилэр. Кыттыбыт бары ыаллар араас номинациялары кытта бэлэх туттулар. Күрэх түмүгүнэн бастакы миэстэни Кузнецовтар дьиэ кэргэттэрэ , иккис миэстэни Сидоренко — Атласовтар , үһүс миэстэни Коркиннар ыллылар, кыайыы өрөгөйүн туттулар. Антонина Яковлевна сэтинньи ыйга төрөөбүт оҕолорго ый бэлиэтин алгыс тылынан туттарда . Нь.Н Черемкин Токтоболотовтар дьиэ кэргэттэригэр булт лицезиятын туттарда. Бары кыттааччыларга кэлэн кыттыбыттарыгар барҕа махтал . Дьиэ кэргэҥҥитигэр өрүү дьол — үөрүү, ил — эйэ тосхойдун ! Дьиэ иһигэр мэлдьи күннээх буоллун ! Чөл олохтоох буолуҥ, чэгиэн — чэбдик сылдьыҥ! Дьоллоох буолуҥ!
Слепцова Антонина Яковлевна