Хас биирдии оҕо дьоллоох оҕо сааска, сылааска уонна тапталга улаатыахтаах.
Хас биирдии оҕо сайдарыгар, талаанын арыйарыгар, кыаҕын туһанарыгар усулуобуйа баар буолуохтаах.
Хас биирдии оҕо куттала суох эйгэҕэ улаатыахтаах.
Бу сыаннастары этэн туран, Сахабыт Сирин олохтоохторун сомоҕолоон туран, уопсастыбабыт кэскилин харыстыыр сыалтан үүммүт 2024 сылы Ил Дархан Айсен Николаев Оҕо саас сылынан биллэрбитэ.
Оҕо саас үөрүүтэ-көтүүтэ, үөрэххэ, олоххо дьулуура, үтүөҕэ-кэрэҕэ тардыһыыта саҕыллар, инники кэскилбит уйата оскуола буолар.
Олунньу 2 күнүгэр.
Н.А.Брызгалов аатынан Индигир орто оскуолатыгар Оҕо саас сылын үрдүк тэрээһиннээхтик арыйдыбыт.
Нэһилиэкпит дьаһалтатын баһылыга Прокопий Семенович кэнчээри ыччаттарбытыгар баҕа санаатын, истиҥ иһирэх эҕэрдэ тылларын тиэртэ.
Иванова Күннэй, оскуолабыт» Ай-тал» оҕо түмсүүтүн салайааччыта эмиэ эҕэрдэлээтэ.
Алын сүһүөх үөрэнээччилэрэ ырыа кэһиилээх, орто уонна улахан кылаас үөрэнээччилэрэ үҥкүү бэлэхтээннэр тэрээһини киэргэттилэр.
Оҕо саас сылыгар анаммыт тэрээһиҥҥэ оҕолорбут оонньоотулар, күрэхтэстилэр маны сэргэ бырааһынньыктааҕы остуол тэриллэн оҕолорбут үөрүүлэрэ үксээтэ.
Хас биирдии үөрэнээччигэ Оҕо саас сылыгар анал бэлиэлээх блокноттар уонна уруучукалар туттарылыннылар.
Оҕо күүһүн, кыаҕын нэһилиэк инники сайдыытын кытта сибээстиибит. Сиригэр-уотугар, дойдутугар чугас, дьонун-сэргэтин ытыктыыр, киһилии сиэрдээх, чиҥ билиилээх, инники көрүүлээх, нэһилиэк сайдыытын туһугар эппиэтинэһи сүгэр кыахтаах оҕолору иитиэххэйиҥ.
Өссө төгүл О5о саас сылынан күндү үөрэнээччилэрбит, о5олорбут барахсаттар!
Светлана СЭНД.