Ааспыт өрөбүллэргэ Чуумпу-Кытылга сааскы сандаархай, чаҕылхай күннээх күҥҥэ оройуоҥҥа Аҕа сылын уонна Өрөспүүбүлүкэҕэ Уол оҕо күнүн чэрчитинэн бырайыак ааптара, Муома оройуонун чулуу уола Юрий Алексеевич Слепцов сырдык кэриэһигэр аналлаах » Эрчимнээх эр бэртэр» күрэхтэһии бэрт тэрээһиннээхтик буолан ааста. Күрэхтэһиини Ю.А.Слепцов аатынан норуот айымньытын дьиэтин директора Анастасия Никулина уонна А.Ф.Старков аатынан Төбүлэх орто оскуолатын директора Владимир Васильев иилээн-саҕалаан ыыттылар. Манна барыта 5 хамаанда илин-кэлин түһүстүлэр. Күрэхтэһии 8 түһүмэхтээх ыытылынна, ол курдук:
1. Биатлон
2. Массыына соһуу
3. Кууллаах сүүрүү
4. Хаамаанданан мас тардыһыы
5. Комбинировннай эстафета
6. Ойбон алларыы
7. Канат тардыһыыта
8. Бураанынан сүүрдүү.
Бэрт эрийсиилээх түһүмэхтэр кэннилэриттэн «Хоһуун» хамаанда (хам. Вячеслав Ковлеков) инники түстэ, кинилэргэ анал статуэтка уонна Ю.А.Слепцов дьиэ-кэргэнин сыаналаах бирииһэ туттарылынна. Иккис миэстэҕэ «Дохсун» хамаанда (хам. Радион Хабаров) таҕыста, кинилэргэ мэтээл уонна Ю.А.Слепцов аатынан норуот айымньытын дьиэтин бирииһэ бэрилиннэ. Үһүс миэстэни «Хайа хоһууннара» хамаанда (хам. Гаврил Соркомов) ылла, кинилэргэ мэтээл уонна олохтоох дьаһалта бирииһэ туттарылынна.
Күрэхтэһээччилэргэ маны таһынан спонсордар бириистэрэ туттарылыннылар:
«Аҕа саастаах» кыттааччы Петр Стручковка Юрий Алексеевич ийэтин өттүнэн Сизых аймахтар бириистэрэ, Юрий Алексеевич аҕатын өртүнэн Байды аймахтар бириистэрэ Владимир Хабаровка, Юрий Алексеевич бииргэ үөрэммит оҕолоро «Лабыҥкыр» маҕаһыынтан сертификат Радион Хабаровка, » Алгыс» түмсүү бирииһэ Павел Неустроевка, Акулина, Радион Хабаровтар бириистэрэ Ефрем Эверстовка, ГУП » ЖКХ бирииһэ Петр Старковка, МАГЭК бирииһэ Борис Соркомовка, библиотека бирииһэ Ярослав Старковка, орто оскуола бирииһэ Гаврил Игнатьевка, Людмила, Петр Стручковтар бириистэрэ Эрчим Эверстовка, ИП А.П.Стручков бирииһэ Петр Никифоровка, почта бирииһэ Петр Николаевка, диаспора ЧК бирииһэ Александр Николаевка уонна Гаврил Соркомовка, ФАП бирииһэ Владимир Никифоровка, олохтоох дьаһалта бирииһэ Петр Стручковка, СХПК «Кытыл» бириистэрэ Игорь Поповка, Азат Атласовка, Вячеслав Ковлековка туттарылыннылар.
Маннык өрө көтөҕүллүүлээх күрэхтэһиини тэрийбит «Төбүлэх национальнай нэһилиэк» МТ, Ю.А.Слепцов аатынан норуот айымньытын дьиэтин үлэһиттэригэр, «Урааҥхайдар» эр дьон түмсүүтүгэр барҕа махтал тылларын тиэрдэбит.
Людмила Стручкова