Оройуоҥҥа үс күннээх куоластааһын түмүгүнэн «Биир Ньыгыл Арассыыйа» баартыйата, Ил Дархаҥҥа Айсен Николаев уонна Халыма-Индигир уокуругун биир мандаатыгар Сахамин Афанасьев инники күөҥҥэ таҕыстылар. Бу туһунан территориальнай быыбардыыр хамыыһыйа бэрэссэдээтэлэ Петр Гермогенов иһитиннэрдэ: «Балаҕан ыйын 8,9,10 күннэригэр үс таһымнаах — өрөспүүбүлүкэбит аҕа баһылыгын, норуот депутаттарын уонна оройуон депутаттарын талыыга быыбар ыытылынна. Быыбарга оройуон үрдүнэн испииһэккэ уопсайа 2916 быыбардааччы баарыттан 1449 киһи кэлэн кытынна, ол 49,69 % тэҥнэстэ.
Саха Өрөспүүбүлүкэтин Ил Дарханын дуоһунаһыгар кандидаттарга куоластааһын түмүгэ:
Борисов Игорь Алексеевичка — 3,52 %, ол эбэтэр быыбардааччылар 51 куоластарын ылла. Губарев Виктор Николаевичка — 8,14 % (118 куолас), Николаев Айсен Сергеевичка — 82,88 % (1201 куолас), Парахин Гаврил Николаевичка — 2,69 % (39 куолас).
Ил Түмэҥҥэ баартыйалар испииһэктэринэн:
«Сиэрдээх Россия — кырдьык иһин» баартыйа Саха сиринээҕи салаатыгар быыбардааччы 104 куолаһын биэрдэ, ити 7,16 % тэҥнэһэр; ЛДПР Саха сиринээҕи региональнай салаатыгар — 2,55 % (37 куолас); «Саҥа дьон» баартыйа Саха сиринээҕи региональнай салаатыгар 9,92 % (144 куолас); КПРФ өрөспүүбүлүкэтээҕи региональнай салаатыгар — 13, 64 % (198 куолас); «Биир ньыгыл Россия» баартыйа Саха сиринээҕи региональнай салаатыгар — 63,64 % (924 куолас); «Родина» баартыйа Саха сиринээҕи региональнай салаатыгар — 0,62 % (9 куолас).
Ил Түмэҥҥэ Халыма-Индигир быыбардыыр уокуруктан биир мандаакка Афанасьев Сахамин Миланович быыбардааччылар 67,98 % ол эбэтэр 966 куоластарын ылан, инникилээтэ. Каздобин Максим Андреевичка — 5,77 % (82 куолас); Малашкин Владимир Владимировичка — 22,66 % (322 куолас) быыбардааччы куолаһын биэрдэ.
Оройуон таһымнаах быыбарга «Муома оройуона» муниципальнай тэриллии Сэбиэтин депутаттарыгар баартыйалартан «Биир ньыгыл Россия» баартыйа быыбардааччылар 901 куоластарын ылан эрэллээхтик инники күөҥҥэ таҕыста, ити 65,38 % тэҥнэһэр. КПРФ — 17,42 % (240 куолас), ЛДПР — 4,43 % (61 куолас), «Сиэрдээх Россия — кырдьык иһин» баартыйа — 9,36 % (129 куолас). Баартыйалар испииһэктэринэн оройуон депутатыгар 11 мандаат бэриллэр.
Оттон 4 мандааттаах уокурукка 6 турбут кандидаттан куоластааһын түмүгэ маннык буолла. Гермогенова Татьяна Александровна — 35,44 % (488 куолас); Дягилева Марияанна Анатольевна — 34,93 % (481 куолас); Иванов Михаил Николаевич — 39,58 % (541 куолас); Терешкин Константин Константинович — 40,09 % (552 куолас); Черов Юрий Прокопьевич — 47,64 % (656 куолас); Щепин Виктор Семёнович — 26,07 % (359 куолас).
«Муома национальнай нэһилиэгэ» муниципальнай тэриллии депуттарын Сэбиэтигэр икки кандидат турбутуттан Кристина Дмитриевна Сухомясова быыбардааччылар баһыйар куоластарын ылан 15 №-дээх Суон-Тиит уокуругар депутатынан талылынна.
Бэҕэһээ учаастактааҕы быыбардыыр хамыыһыйалар бары докумуоннары толорон, боротокуоллар бигэргэтиллэн, быыбар түмүгүнэн ТИК быһаарыыта таҕыста.
«Индигир уоттара» хаһыат.