Соболоохтооҕу сынньалаҥ киинэ (дир. Т.Г. Степанова) оройуоҥҥа ыытыллар бары тэрээһиннэргэ көхтөөхтүк кыттар. Ол курдук, соторутааҕыта соболоохтор Хонуу сэлиэнньэтин ийэлэрин «Брусника» акцияларын өйөөн «День варенья» дьаарбаҥканы тэрийдилэр. Олохтоохтор бу тэрээһиҥҥэ олус көхтөөхтүк кытыннылар. Дьаарбаҥкаҕа киирбит барыанньалары Соболоохтооҕу сынньалаҥ киинин салайааччыта Татьяна Степанова Хонууга киллэрэн, тустаах хамыыһыйаҕа туттарда. Дьаарбаҥка кыттыылаахтара анал байыаннай дьайыыга сылдьар уолаттарга, кинилэр дьиэ кэргэннэригэр чэгиэн туругу, күүстээх санааны, байыаннай дьайыы кыайыынан түмүктэнэн дьол-саргы сатыылыырыгар баҕардылар. Соболоохтор алгыһынан атаарбыт, илиилэрин сылааһынан оҥорбут барыанньалара тустаах ыалларга тириэрдилиннилэр. Бу күннэргэ соболоохтор аһымал санаа тэрээһиннэрин салгыы ыыталлар. Мантан киирбит тустаах үбү анал байыаннай дьайыыга сылдьар уолаттар тустарыгар ыытыахтара. Соболоохтооҕу сынньалаҥ киинин үлэһиттэрин аһымал акцияларын атын нэһилиэктэр өйүөхтэрэ диэн эрэнэбит.
Биир санаа, биир ньыгыл күүс
