Муома оройуонун олохтоохторо дойдуга буола турар анал байыаннай дьайыыга оҕотуттан кырдьаҕаһыгар тиийэ бэйэлэрин көмөлөрүн тиэрдэ тураллар. Маннык көмөнү оҥоруу биир сүрүн хайысханан буолар. Буор Сыһыы нэһилиэгин бэтэрээннэрэ эмиэ мантан туора турбатылар. Күүс кыайарынан бэйэлэрин сүбэлэрин-амаларын тиэрдэн, биэнсийэлэриттэн харчы биэрэн, кыайыы буоларыгар кылааттарын киллэрсэллэр.
Анал байыаннай дьайыы саҕаланыаҕыттан ыла көмө оҥоһуллан барбыта. Кыра нэһилиэк олохтоохтороитии таҥас, наскы, үтүлүк баайан, сурук суруйан биир дойдулаахтарын өйөөбүттэрэ.
Нэһилиэк ытык бэтэрээнэ, элбэх оҕолоох ийэ Анисия Алексеевна Атласова кэпсиир:
-Биһиги бэтэрээннэр, ийэлэр, аҕалар, эбэлэр, эһэлэр анал байыаннай дьайыыга көмө оҥоробут, маннык быһыы-майгы буола турдаҕына туора турбаппыт. Санаабытын ууран, ийэлии-аҕалыы истиҥ сыһыаммытын тиэрдэн кыайыы туһугар биэнсийэбит харчытыттан 50 тыһыынчаны мустубут уонна анал байыаннай дьайыыга сылдьар дьоммутугар уонна кинилэр дьиэ кэргэннэригэр оҥоһуллар көмө пуондатын счетугар уктубут. Саастаах көлүөнэ дьоно кыайыы хайдах кэлэрин эппитинэн-хааммытынан билбит сэрии сылларын оҕолоро буолабыт. Аҕа дойду сэриитин кэмигэр тыылга биһиги дьоммут күүстээхтик үлэлээн- хамсаан кыайыыны уһансыбыттара. Биһиги онтон хаалсыбакка, кыра да көмөнү оҥорон, биир дойдулаахтарбыт кыайыы-хотуу көтөллөнөн кэлэллэригэр кыһаллабыт. Хас биирдии киһи бэйэтин сэмэй кылаатын киллэрсэрэ хайҕаллаах суол. Бэйэ-бэйэни өйөөһүн, киһиэхэ көмөлөһүү- биһиги үтүө үгэспит. Бу сомоҕолоһуу дьыалата умнуллубакка салҕанар.
Айталина Николаева