Комсомол күнүгэр Чуумпу Кытылга «Умнуллубат эдэр сааспыт — Комсомол» диэн 4 түһүмэхтээх күрэхтэһии буолла. Эдэр ыччат, орто саастаах дьон, аҕам саастаахтар 3 хамаандаҕа арахсан илин -кэлин түһүстүлэр.
Комсомол күнүнэн эҕэрдэ тылы «Алгыс» түмсүү салайааччыта Людмила Стручкова эттэ.
Ол курдук маннык түһүмэхтэрэ ыытылыннылар:
1. Хамаандалар аат, девиз толкуйдууллар.
2. Комсомол туһунан ырыа.
3. Боппуруостарга эппиэт.
4. Быыһыгар «Эдэр сааспыт аргыһа -Комсомол» тиэмэлээх презентация көрүү.
5. Эдэр саас ырыата.
6. Блиц-турнир.
Дьүүллүүр сүбэҕэ Татьяна Кириллина, Айталина Соркомова, Алексей Ковлеков киирдилэр.
Түһүмэхтэргэ көхтөөхтүк кыттан Орто саастаахтар бастаатылар, иккис — Төлөннөр, үһүс — Эдэр ыччаттар. Түмүк тылы Татьяна Кириллина эттэ уонна Добун суруктары туттартаата.
Мустубут дьон тэҥҥэ ыллаһан тэрээһини сэргэхситтилэр.
Людмила Стручкова