Лебедев Василий Дмитриевич аатынан Орто Дойду орто оскуолатыгар Билии күнүгэр «Удин” оҕо этно-фольклорнай бөлөх кыттыылаахтарыгар өссө биир үөрүүлээх түгэн буолла. Сайыҥҥы сынньалаҥ кэмигэр Дьокуускай куоракка Оҕо сылынан сибээстээн “Солнечный круг 2024” элбэх жанрдаах, оҕо талаанын көрдөрөр фестивальга кэтэхтэн кыттан: Валерия Старкова, Элина Старкова, Эльвира Старкова, Амина Богдашина, Лейла Уваровская, Вика Крылова ырыаҕа уонна уус-уран ааҕыыга Бастакы истиэпэннээх лауреат, үҥкүүгэ үһүс истиэпэннээх лауреат буоллулар. Кыргыттар дьүүллүүр сүбэ аатыттан Махтал уонна туоһу суруктары туттулар.
От ыйын ортотугар Хотугу филология кафедратын тэрээһининэн өрөспүүбүлүкэтээҕи “Аймулдан” бырааһынньыкка эбээннии тылынан хоһоон ааҕыы күрэҕэр биһиги оҕолорбут кэтэхтэн кыттан: Ньургун Павлов, Арина Крылова иккис истиэпэннээх, Антон Абашев уонна “Удин” ансаамбыл кыргыттара үһүс истиэпэннээх лауреаттар буоллулар. Артур Захаров, Артур Барбасытов кыттыыларын иһин сэртипикээт уонна бэлэх туттулар.
Сүрүн ситиһиибит – Лебедев В.Д. төрөөбүтэ 90 сылын көрсө, кини хоһооннорун ааҕан сэмэй кылааппытын киллэрдибит. Бу тэрээһиннэргэ видеоҕа устууну оҥорон ыыппыт Егор Слепцовка махтанабыт. Саҥа үөрэх дьылыгар “ Удин” бөлөх оҕолоругар үчүгэй уонна туйгун сыаналары, ыытыллар тэрээһиннэргэ ситиһиилэри, чэгиэн-чэбдик доруобуйаны баҕарабын. Өбүгэ төрөөбүт төрүт тылын умнумаҥ, куруук үөрэтэ сылдьыҥ диэн алгыыбын.
