Бүгүн Муома орто оскуолатын оҕолоругар ТУРСЛЕТ-2024 үрдүк тэрээһиннээхтик ыытылынна Халлааммыт анаабыт курдук туран биэрдэ Туризм фестивала Дьиэ кэргэн, Оҕо саас сылыгар уонна Муома орто оскуолата төрүттэммитэ 95 сылыгар ананан 5-11 кылаас үөрэнээччилэрин, учууталлары кэрэ көстүүлээх паарка сиригэр түмтэ. Турслет алта түһүмэҕинэн биир тыынынан буолла. Оскуола үөрэнээччилэрэ араас күрэхтэргэ кыахтарын тургутан көрдүлэр, саҥаны-сонуну биллилэр.
Оҕолор, төрөппүттэр уонна учууталлар бары айылҕаҕа күннэрин астына атаардылар.
Бары да оҕо сааспытыгар күрэхтэспит түһүмэхтэрбитин умнубаппыт. Ол курдук: полоса препятствий; спортивное ориентирование; кутаа уокка ас астааһын; сигнальщиктар курэхтэрэ; турбазаны киэргэтии уонна кэлин баар буолбут сонун көстүү — Катамаранынан устуу.
Маннык күрэхтэр бүгүҥҥү Турслетка күүрээннээхтик аастылар.
