Күрэх түмүгүнэн ”Кылаан Чыпчаал” бастыҥ ааты оройуон киинин “Кэнчээри ” уһуйаан иитиллээччитэ Никита Слепцов ылла. Уһуйааччыта өр сылларга үлэлээбит уопуттаах иитээччи Альбина Кузьминична Васильева. Кини “Дьиэ кэргэн” тиэмэтигэр бэйэтин дьиэ кэргэнин туһунан олус итэҕэтиилээхтик, истээччигэ тиэрдэр гына кыраһыабайдык , олус бэргэнник этэн, туттан-хаптан көрдөрөн, муҥур кыайыылааҕы ылыан ылла.
Бөлөх аайы I, II, III -Үрдэл, I, II, III-Үктэл Добун суруктар,бары кыттааччыларга туоһу суруктар туттарыллыннылар. Оҕолорго Муома алын сүһүөх оскуолатын бириистэрин — ойуулаах чорооннору бэлэхтээтилэр.
Уһуйаан бары иитээччилэрэ үлэлэригэр саҥа кэмҥэ ийэ тылбыт баайын, имэҥин, дириҥ өйүн толору этэр, туттар, өйдүүр туһугар тылы этэн араатардыырга дьарыктыыллара оҕолорбут сайдалларыгар төһүү күүс буолаллар.
Оройуоммут уһуйааннарын иитээччилэригэр махтанабыт. Өрүү маннык таһаарыылаах үлэбит туһалаах буолуоҕа диэн эрэнэбит.
Төрөөбүт тылбытын харыстаан, байытан, күн аайы кэпсэтэн, оҕолорбутун, сиэннэрбитин сахалыы тылбыт кэрэ эйгэтигэр угуйа туруоҕуҥ!