Олунньу 5 күнүгэр Төбүлэх национальнай нэһилиэгин баһылыга Петр Никифоров сыллааҕы отчуота буолла.
Петр Владимирович олохтоохтор иннилэригэр сыл устата туох-ханнык үлэ ыытыллыбытын, нэһилиэк тэрилтэлэрин үлэлэрин сырдатта. Кэлбит дьон отчуот сүнньүнэн араас ыйытыылары биэрдилэр, санааларын үллэһиннилэр. Бэриллибит ыйытыыларга сөптөөх хоруйдары ыллылар. Олохтоохтор Хонууттан оройуон быраастара сылын аайы кэлэн нэһилиэнньэ доруобуйатын көрөллөрүгэр, анаалыс ылалларыгар этии киллэрдилэр. Култуура өттүнэн «гастроллар кэлэллэрэ буоллар олохтоохтор сэргэхсийиэ этибит» диэтилэр.
Түмүккэ олохтоохтор баһылык отчуотун «үчүгэйинэн» сыаналаатылар.
Людмила Стручкова.
