Бүгүн сарсыарда Муома улууһун Улахан Чыыстай нэһилиэгин Дьапкычаан ыстаадатын табаһыттара «Ычча-аа!» диэбитинэн уһугуннулар. Балааккаларыттан тахсыбыттара — сирдэрин-уоттарын үрүҥ хаар үллүктээбит.
Ол эрэн баччаларга хаар түһэрэ ыраах хоту оройуон олохтоохторун кими да улаханнык соһуппат. Кылгас сайыммыт бэлиэр түмүктэнэ охсон, сотору кэминэн кыһыммыт кэлиэҕин тымныы салгын биллэрэн эрдэҕэ.
Оттон оройуон киинигэр — Хонууга уонна чугастааҕы нэһилиэктэргэ халлаан эмиэ улаханнык тымныйда.
Олохтоохтор халыҥнык таҥнан, үллүнэн хочуолунайдар оттуллан дьиэлэрэ сылыйарын кэтэһэллэр. Санатар буоллахха, Муома арктическай оройуон буоларын быһыытынан оттук сезона манна атырдьах ыйын 28 күнүттэн саҕаланар.