Төбүлэх нэһилиэгэр бүгүн сарсыарда — 35° этэ да, олохтоохтор тымныыттан чаҕыйбакка Чыпчалҕа диэн хайаҕа айаҥҥа туруннулар. Суол аҥаара массыынанан, онтон салгыы хаалыктаах хааман тиийдилэр. Хайаҕа тахсан кэрэ көстүүнү астына көрөн, чэбдик салгынынан дуоһуйа тыынан өрөбүл күнү ураты сэргэхтик атаардылар.
Маннык нэһилиэк аайы төгүрүк сыл айылҕаҕа чөл олоҕу тутуһар дьон хаамаллар. Итии буоллун, тымныы буоллун дьарыктарын быспаттар. Чөл олох уһун үйэҕэ тиэрдэр диэн санааны тутуһаллар.
