Олунньу 28-кулун тутар 2 күннэригэр «Дохсун» спортивнай комплекска өрөспүүбүлүкэ 12 арктическай улуустарыттан саастарынан хааччаҕа суох 120 чулуу спортсменнара остуол тенниһигэр күөн көрүстүлэр. Үс күн устата спорт бырааһынньыгар 13 эр дьон, 12 дьахталлар хамаандалара сытыы киирсиилэри көрдөрдүлэр. Түмүккэ эр дьоҥҥо Муома-1 хамаандата иккис миэстэҕэ тиксэн үөрүү көтөллөннө.
Биирдиилээн оонньууга
Муома ыччата Николай Слепцов эр дьоҥҥо абсолютнайга кыайыылаах үрдүк ааты ылан кыһыл көмүс мэтээлинэн уонна «Диалс» ХЭТ (ген.дир.Д.Слепцов) туруорбут плазменнай телевизорынан наҕараадаланна.
Тэрийээччилэр СӨ Арктика дьыалларыгар уонна ыччат, спорт министиэристибэлэригэр, спонсордарга истиҥ махталларын тиэрдэллэр. Санаттахха, спонсордар ортолоругар Муоматтан «Илгэ» маҕаһыын (ИП Егоров), «Позитив» маҕаһыын (В.,В.Габышевтар) бааллар.
Киэн туттуохпут иһин, тэрийээччилэр Муоматааҕы спортивнай оскуола тренеригэр Александр Слепцовка элбэх махтал, эҕэрдэ тыллары анаатылар. Александр Васильевич хас да сыл утумнаахтык сүүрэн-көтөн маннык күрэҕи өрөспүүбүлүкэ таһымыгар тэриллэрин туруорсуута, календарнай былааҥҥа киирэн арктическай улуустарга «Кубок Заполярья» улахан спорт бырааһынньыгар кубулуйда.
Муомаларга эҕэрдэ!!!
Сонун, хаартыскалар «Илкэн» порталтан