Бүгүн ахсынньы 1 күнүгэр Кыайыы болуоссатыгар Саҥа дьыллааҕы харыйабыт араас өҥнөөх уотунан күлүмүрдээтэ.
Оҕо-аймах, улахан дьон остуоруйа дойдутун геройдарын кытта үҥкүүлээтилэр, таабырын таайдылар, Тымныы Мооруос оҕонньору ыҥыран эҕэрдэтин туттулар уонна харыйа тула Саҥа дьыллааҕы ырыа доҕуһуолунан эргийдилэр.
Муома национальнай нэһилиэгин баһылыгын солбуйааччы Э. П. Калачёв «Моя семья за ЗОЖ» уруһуй күрэҕин түмүгүн иһитиннэрдэ, ситиһиилээхтик кыттыбыт 5 дьиэ кэргэни эҕэрдэлээтэ.
Түмүккэ Тымныы Мооруос оҕонньор оҕолорго минньигэс бэлэҕин түҥэтэн оҕо-аймах үөрүүтэ үксээтэ.
Кыһыҥҥы тэрээһини «Осикат» КЭК үлэһиттэрэ иилээн-саҕалаан ыыттылар.