Чуумпу-Кытылга «7 отон» диэн көмүс күһүнү уруйдуур бэрт сэргэх тэрээһин нэдиэлэтэ буолан ааста.
Манна 5 хамаандаҕа арахсан оҕолор төрөппүттэрин, эбэлэрин-эһэлэрин кытта уонна учууталлар буолан илин-кэлин түстүлэр.
Хамаандалар салайааччылара: «Сэбирдэхтэр» — У. Н. Старкова, «Тэллэйдэр» — Н. К. Старкова, «Моонньоҕоннор» — С. С. Никифорова, «Хаптаҕастар» — Т. В. Федорова, «Сугуннар»- А. В. Хабарова.
Хас биирдии хамаанда нэдиэлэ устата хомуйбут отонун бэлиэтин ыаҕайаҕа мунньан истилэр.
I күн — «Саха киинэтин фанааттара» — квиз-оонньуу.
ll күн — Саха КВН-ныын көрсөр түгэн. Бу түгэҥҥэ оҕолор Саха КВН Лигатын 2023 сыл бастыҥ оонньооччу Рудольф Макаровы кытта көрүстүлэр.
lll күн — «Отонноох оҥоойук» Иннэлик МК.
lV күн — Чэбдигирдэр сүүрүү /нэһилиэк бары олохтоохторо сүүрдүлэр/.
V күн — Күһүҥҥү салаат МК.
VI күн — «Күһүн күлүмнүү күлбүтүнэн» түмүк тэрээһин. Хамаанда барыта биэс түһүмэҕинэн кыттар.
1 түһүмэх: «Сэбирдэх суһума» — бириэмэҕэ сэбирдэхтэринэн оҥоһук.
2 түһүмэх: «Күһүҥҥү киһи күлбүтүнэн» — хортуоскаттан 2-лии бүлүүдэҕэ аукцион ыытылынна.
3 түһүмэх: «Айхаллыыбыт көмүс күһүнү» — хоһоон ааҕыы.
4 түһүмэх: «Айылҕа оҕолоро» — фотоколлаж оҥоһуга.
5 түһүмэх: «Көрдөөх сэбирдэхтэр» — тута сорудах толоруу.
Vll отон — «Отонноотоххо оҥоойук туолар» акция.
Хамаандалар сэрии сылларын оҕолоругар Мария Гаврильевна уонна Дмитрий Арьянович Шкулёвтарга, Герой-ийэҕэ Соркомова Вера Петровнаҕа, анал байыаннай дьайыы кыттыылаахтарын дьиэ кэргэттэригэр Кудриннарга, Быковскайдарга уонна «Сулусчаан» уһуйааҥҥа хомуйбут отоннорун туттартаатылар.
Дьэ, кэтэһиилээх нэдиэлэбит түмүгэ тиийэн кэллэ. Нэдиэлэ түмүгүнэн
«Сэбирдэхтэр», «Сугуннар», «Моонньоҕоннор» бириистээх миэстэҕэ тигистилэр.
Бары хамаандалар олус көхтөөхтүк кытыннылар. Тэрээһини Ю.А.Слепцов аатынан Норуот айымньытын дьиэтин үлэһиттэрэ дир. А. П. Никулина, худ.рук Р. Ю. Макаров, куруһуок салайааччыта М. М. Эверстова иилээн-саҕалаан ыыттылар.
