Тохсунньу 4 күнүгэр Индигир нэһилиэгэр үгэскэ кубулуйбут "Баһылык Кубога" күрэхтэһии буолан ааста. Манна
нэһилиэк олохтоохторо үлэлиир тэрилтэлэринэн түөрт хамаандаҕа арахсан күрэхтэстилэр. Ол курдук,
Н.А.Брызгалов аатынан Индигир орто оскуолатын улахан кэлэктиибэ, уһуйаан уонна олох-дьаһах коммунальнай
хаһаайыстыба, олохтоох дьаһалта устудьуоннары кытта холбоһуктаах хамаандалара уонна "Айтал" оскуола
оҕолорун хамаандалара күөн көрүстүлэр.
9 очколаах оскуола хамаандата бастакы миэстэҕэ таҕыста уонна быйылгы Кубок хаһаайынынан буолла. 40 тыһ
— бириистэрин харчытын аһымал акция быһыытынан биир дойдулаахтарыгар Василий Слепцовка көмө
ыыталларын биллэрдилэр.
Иккис миэстэҕэ 15 очколаах уһуйаан уонна ОДьКХ холбоһуктаах хамаандата таҕыста. Кинилэргэ 25 тыс
харчынан бириэмийэ туттарылынна.
16 очколаах дьаһалта үлэһиттэрин уонна устудьуоннар холбоһуктаах хамаандалара үһүс миэстэҕэ тахсан 15
тыс харчынан бириэмийэлэрин күрэхтэһиигэ бииргэ кыттыбыт устудьуоннарыгар биэрдилэр.
Индигир национальнай нэһилиэгин пресс-киинэ
