Оройуоммут үөрэххэ, үлэҕэ, общественнай олоххо көхтөөх ыччаттардаах. Кинилэр араас таһымнаах күрэхтэһиилэргэ, куоҥкурустарга ситиһиилээхтик кыттан оройуоннарын аатын ааттаталлар.
Бу ыччаттар атыттарга олоххо ситиһиилээх буоларга, бары өттүнэн сайдыылаах дьон буоларга, оннук олоххо талаһарга холобур буолаллар.
Бэҕэһээ Дьокуускай куоракка орто анал үөрэх тэрилтэлэрин устудьуоннарын ортотугар «Өбүгэ оонньуулара» күрэх ыытылынна.
Бу күрэххэ биһиги биир дойдулаахпыт, Орто Дойду тоҕойуттан төрүттээх, Дьокуускайдааҕы автодорожнай техникум маҥнайгы куурсун устудьуона Хасан Уваровскай муҥутуур кыайыылаах ааты ылла. Күрэх сүрүн бирииһин — булт саатын сертификатын бэлэх тутта.
Хасан кыра эрдэҕиттэн спордунан дьаныардаахтык дьарыктанар. Оскуолатын, нэһилиэгин, оройуонун чиэһин үгүс күрэхтэһиилэргэ көмүскээн турар.
Былырыын сайын оройуон ыһыаҕар «Хотугу уолан» күрэххэ күрэстэһээччилэрин кытта эрбии биитинии кэлэн иһэн бүтэһик түмүктүүр түһүмэххэ кыайыыга дьулуурун көрдөрөн инники тахсыбыта уонна Ыһыах күрэҕин муҥутуур кыайыылааҕынан буолбута.
Биһиги Хасаны бу улахан күрэххэ кыайыыгынан эҕэрдэлиибит.
Кэскиллээх спортсмеҥҥа кыайыылар өссө да кэлэ турдуннар.