Олохтоохтор уһун дохсун ытыстарын тыаһынан доҕуһуоллатан бэрт үчүгэйдик ааста.
Кэнсиэри Саргылаана Леонтьева, Татьяна Степановна иилээн-саҕалаан ыыттылар. Манна «Киинэ, киинэ» диэн урукку киинэлэр түгэннэриттэн саҕалаан билиҥҥи олоххо диэри араас үҥкүүлэрэ, ырыалара, көрдөөх сценкалара үрдүк таһымҥа аастылар.
Николай Корякин, Альберт Стручков, Лариса Никонова сололара, оскуола коллективын сахалыы матыыптаах ырыалара, чабырҕахтара, үҥкүүлэрэ, Татьяна Степанова, Прасковья Гореева, Ирина Кириллина араас омуктар үҥкүүлэрин толоруулара олус үчүгэй. Суоллара туран биэрэн, олус астынан, дуоһуйан бардылар.
Соболооххо үөрэнэ сылдьыбыттары кытта хаартыскаҕа түстүлэр,
бэйэлэрин сэмэй бэлэхтэрин туттардылар, быйылгы 2025 сылга төрөөбүт игирэ ньирэйдээх Ангелина Старковаҕа, олунньу 25 күнүгэр Татьяна күнүнэн Татьяна Кириллинаҕа эмиэ сэмэй бэлэхтэрин туттардылар.
Харда махтал суругу уонна бэлэҕин Чуумпу -Кытыллааҕы Ю.А.Слепцов аатынан норуот айымньытын дьиэтин директора Анастасия Никулина туттарда.
Олохтоохтор кэлэн сэргэхситэн барбыттарыгар Соболоох дьонугар-сэргэтигэр махтал тылларын тиэрдэллэр.
Людмила Стручкова