Аҕам саастаах дьон күннэрин чэрчитинэн «Саһарҕа» түмсүү (сал. Федорова Т.В.) нэһилиэк кырдьаҕастарыгар дьиэлэригэр баран тэлгэһэлэрин хомуйдулар, харбыл мас саһааннааатылар.
Балаҕан ыйын 30 күнүгэр «Ааспыт ааспат ахтылҕана» диэн театрализованнай кэнсиэр көрдөрүлүннэ. Үөрүүлээх тэрээһин быйылгы сыл Саха сиригэр Үлэ, Россияҕа Педагог уонна Аҕа сүбэһит сылларыгар ананна. Кэнсиэри педагогическай үлэ бэтэрээнэ Зинаида Слепцова бэрт ылбаҕай тылларынан ыытта, хоһоон арааһын ааҕан иһитиннэрдэ. Манна бааллар быраас, учуутал, суотчут, библиотекарь, суоппар, электрик, ыанньыксыт, устудьуон… Кинилэр бэйэлэригэр аналлаах ырыалары кыайа-хото ыллаатылар.
Көрөөччүлэр сонун сэргэх кэнсиэри дуоһуйа-астына көрдүлэр. Хас биирдии нүөмэр дохсун ытыс тыаһынан доҕуһуолланна. Ол курдук, «Көҥүл ырыата», квартет толоруутугар «Умнуллубат онус кылаас», «Ферма кыргыттара», Светлана Егорова, Акулина Хабарова, Августина Никулина, Людмила Стручкова кыттыылаах ансаамбыл «Үлэ күүрдэ», Алла Слепцова, Елена Кириллина дуэттарын толоруутугар » Ардахха», «Хатыҥ мастар» Марианна Соркомова, Татьяна Кириллина,» Көрдөөх Уоһук» Анна Гуляева, Людмила Стручкова, соло «Устудьуон доҕорбор»,, «Таптал иэйиитэ», «Учууталбар» Николай Кладкин, соло» Балыктааҕым киэһэтэ» Алексей Старков, соло «Айан ырыата» Борис Нучеканов, хор толоруутугар «Эдэр ыччат бары кэлиҥ!» ырыалар ылланнылар.
✍🏻 Людмила Стручкова